புல்லின் நுனி 
ஓர் பனி 
வானத்து பிம்பம் 
அதை பார்க்கும் நீ !
உனை பார்க்கும் நான் !
நமை பார்க்கும் காதல் !

வினா வெளியில் ஓர் இரவு !

காதலோடும் காதலியோடும் 

வருகிறேன் கடலே !

நின் சப்த சிணுங்களில் 

சிணுங்கினாள் என் சிநேகிதி !

என் காதலி தீண்டலில் 

நீ சப்தமற்று போனாய் 

என் செவிகளில் !

புருவம் உயர்த்தி 

நிலவை காட்டினாள் !

அவள் கால்விரல் பிடித்து 

கூச்சம் கூட்டினேன் !

கன்னம் கிள்ளி 

காதல் பேசினாள் !

அவள் கன்னம் முழுதும்

காதல் பதித்தேன் !

நீண்ட இரவொன்று அவள் 

கண்களில் தெரிந்தது !

அவள் கண்கள் கொண்டே 

என் உடலும் விடிந்தது !

இப்படி நிகழ்ந்து கொண்டே இருக்குது 

மர்மமும் மாயையும் 

இடைவெளி இல்லா அலை போல !

ஒரு போதும் 

தீர்ந்து போவதில்லை 

கடலும் காதலும் ........

அடர்ந்த வனத்தில் ஓர் இலை ....

எதிர்ப்படும் காட்சிகளை

ஒரு போதும் 

தவிர்க்க முடிவதில்லை .

அது 

பெண்ணோ !

பிச்சைகாரனோ !

பேரறிவோ !

ஓர் பிழையோ !

நாய்க்குட்டியோ - இல்லை 

நகைக்கும் குட்டியோ !

பூக்காரியோ !

நாகரிகமோ !

அநாகரிகமோ!

cafe-day ஓ 

டீ கடை நாயரோ !

BMW ஓ 

AUDI ஓ 

பஞ்சர் கடையோ !

பால் பார்வையோ !

அரை நிர்வாண ஞானியோ !

முழு சட்டை முட்டாளோ !

கருப்பு சட்டை கூட்டமோ - இல்லை 

காவி சட்டையின் காமமோ !

இப்படி நீண்டு கொண்டே போகுது 

கனவுகளும் காட்சிகளும் ......

காட்சிகள் கண்ட களைப்பில் 

ஞானப் பெருமூச்சி விடுகிறேன்

 என் இருப்பை எண்ணி 

ஒரு கோப்பை தேநீருடன் !!!!