நாளொரு வண்ணம்..!!

எங்கே போனாய் நீ..., .?

நீண்ட பயணத்தில் 

நிறுத்துமிடம் இல்லாத சாலை தோறும் 

பயணித்துக் கொண்டே இருக்கிறது என் மனம்.

ஆசுவாசமாய் உடல் சாய்ந்து,

ஓரிரு வார்த்தைகள் பேசி 

நீண்ட நாட்களாகி விட்டது .

எவரிடத்திலும் பகிர்ந்து கொள்ள 

இயலவில்லை என்னால் - என் 

தனிமையின் சலனத்தை.

நீயாக வீசிவிட்டுப் போன சிறகொன்று 

எதனை பின்தொடர இயலும் 

காற்றில்லா இவ்வெளியில்..!!

இருளில் ஒளிந்துகொண்ட 

நிழலானப் பின் 

உன்னை எங்கே தேடுவேன்..?